Thursday, 10 August 2017

٦ من ٦

التّنافسيّة الشديدة مشكلة، أو ممكن مرض! 😁 اليوم كان عندي زيارة لطبيب العيون لأفحص قوة نظري. ومع إني صار لي فترة عم بلاحظ إنه قوة نظري عم بتنقص، تركيزي كان وقت "فحص" النظر هو كيف أحصّل "٦ من ٦" حتى لو ما بشوف 😂 (بتصوّر إني فاهمة موضوع "الفحص" غلط). المهم، كالمعروف، بدٙأٙت مساعدة الطبيب تعرض أمامي صور لحرف والمفروض أميّز مفتوح لأي جهة، وأنا عقلي الباطن مصمم فقط على تحصيل "العلامة الكاملة ٦/٦"؛ لدرجة إني استنبطت لاشعورياً نمط لجهات الفتح: "يمين، فوق، تحت، شمال، شمال، تحت، فوق، .." وصرت أسمّع وأنا عملياً ما شفتهم كلهم بصورة صحيحة 😂

طبعاً مساعدة الطبيب لخّمت وصارت تحط صور فحص أصعب وأميّزها وهي تحكي لي: "هي نظرك ٦/٦ وحتى مجموعة الصور لفحص الطيارين كمان ميّزتيها مع إنه مش المفروض تشوفيها! شو مشكلتك إذاً؟" 😂 اعترفت لها بالآخر: "بصراحة يا ريت تغيري ترتيبهم وتخربطيهم منيح لإني حفظت الترتيب وقاعدة بس بسمّع". 😂 هيك لحتى مشي "الفحص" بطريقة صحيحة! 

0 comments :

Post a comment