Saturday, 11 November 2017

أُغنّي بالفصحى - الجزء الثالث

#أُغنّي_بالفُصحى
من جديد، وبعد انقطاع 😂، أعودُ وأُترجمُ الأغاني العامّيّة إلى الفصيحة! اختياري وقع هذه المرة على أغنية "ثلاث دقات" من غناء "أبو ويُسرا". الأغنية طلعت عميقة جداً صراحة. 😌

----------------------


واقفاً أُسامرُ البحر بعيداً وقتَ غروبِ الشمس
أُسِرُّ لهُ وأبوحُ له بِهمومي وأُعيدُ تقليبَ المواجع معه
لَمَحتُها فجأةً وخِلتُها حوريّةَ البحر
خَرَجَتْ من الماء بِهالةٍ تفوقُ في أثَرِها السحر
حين لَمَحتُها دَقَّ قلبي ثلاث دقّات
وأَخَذَت الطُّبولُ تَقرَعُ في رأسي بِحماس
حين دخَلَت الرِّقّةُ قلبي لِنْتُ وألهَبَني الحنين
فماذا أفعل؟ أَخَذتُ بالغناء!
متى تَمَكّنَ الحُبُّ من قلبي ولَمَسَه؟ هذا أغربُ من الخيال!
عودُكِ يُلهُمُني لِأُغنّي أحلى المواويل..
آهٍ يا عيني آه.. لِلّهِ دُرُّ الأيّامِ حينَ تُهدي قلوبنا غراماً؛ فَتَخِرُّ أمامنا أعتى جِبالِ الصِّعاب..
----------------------
وإذ بي أعيشُ صراعاً مع نفسي في الحال
عَقلي يَلْجِمُني، وَقَلبي يَدْفَعُني لِمُصارَحَتِها
في ثوانٍ انتصرَ قلبي.. ذَهَبتُ وَصَرَّحتُ لها بِهُيامي بِها
متى تَمَكّنَ الحُبُّ من قلبي ولَمَسَه؟ هذا أغربُ من الخيال!
حُبُّكِ يُلهُمُني لِأُغنّي أحلى المواويل..
آهٍ يا عيني آه.. لِلّهِ دُرُّ الأيّامِ حينَ تُهدي قلوبنا غراماً؛ فَتَخِرُّ أمامنا أعتى جِبالِ الصِّعاب..
----------------------
وتتوالى الشهورُ وتتتابعُ السنون دون أن ننسى
لحظَةَ لِقائنا - أَيا حُبَّ العُمر - ومكانَ اللقاء
ونأتي سويّةً نُحدّثُ البحرَ بِحكايتنا
قِصّة حُبّنا، الأقوى من أيِّ سِحر
متى تَمَكّنَ الحُبُّ من قلبي ولَمَسَه؟ هذا أغربُ من الخيال!
عِشقُكَ يُلهُمُني لِأُغنّي أحلى المواويل..
آهٍ يا عيني آه.. لِلّهِ دُرُّ الأيّامِ حينَ تُهدي قلوبنا غراماً؛ فَتَخِرُّ أمامنا أعتى جِبالِ الصِّعاب..
آهٍ يا عيني آه.. لِلّهِ دُرُّ الأيّامِ حينَ تُهدي قلوبنا غراماً؛ فَتَخِرُّ أمامنا أعتى جِبالِ الصِّعاب..
----------------------

Read more…

Tuesday, 7 November 2017

عمّان الجديدة

بسم الله الرحمن الرحيم، وأمّا بعد. فإننا كثيراً ما نستنتج في حياتنا اليومية والعملية أنّ البدء من الصفر أكثر جدوى - في كثير من الأحيان - من محاولة إصلاح ما أفسده الدهر. 

يعني "تكُب المشروع" وتبدأ من أول أسهل من تصليحه، تمزع الصفحة وتعيد الكتابة أسهل من تصليح الأخطاء، توقف الإصلاح في مدينتك وتقوم بإنشاء مدينة جديدة أسهل من إصلاح المدينة -- مثلاً!

لكن أيضاً، العمل على مشروع جديد يصنع بالحقيقة حُجّة قوية بدون عناء يمكن استعمالها على الطالعة والنازلة كتبرير للتقصير بإصلاح المشروع الحالي. "ليه ما عم بترتّب خطّك؟" / "ما أنا حمزع الصفحة وأكتب واحدة جديدة!". "ليه ما عم نطوّر المدينة؟"/ "تركيزنا مُنصَب حصراً على المدينة الجديدة!". 

بكل التفاؤل الذي على وجه البسيطة فأنا - لأسباب وقناعات كثيرة - فقدت الأمل تماماً في الوصول لحال متطور خدماتياً وحضرياً - على الأقل - في عمّان. والتعقيب على الأمر لا يغير من حقيقته.

ومبدئياً عم بكتب الكلام حتى يذكّرني فيه فيس بوك عند الانتهاء من مشروع عمّان الجديدة في ٢٠٥٠ وأعيد نشره حينها، عندما يكون عمري ٦١ عاماً -- إن شاء الله! 😌 #عمّان_الجديدة #ملعوبة

Read more…

Sunday, 15 October 2017

هذربات من معرض عمّان الدولي للكتاب

زرتُ اليوم معرض عمّان الدولي للكتاب في يومه الأخير. أثارت هذه الزيارة في رأسي مجموعة من الأفكار الوجودية عن علاقتي بالكتب، أهذي بها هنا. #هذربات

-------

(١) أنا أرتبك حين أجد "خمسطعشر" مليون كتاب أمامي! كيف لي أن أتصفّح عناوينها جميعاً؟ مسح سريع؟ واحداً واحداً؟ ماذا لو فاتني أحدها؟ لو فاتتني كلها؟ المرور "الصادق" بكلِّ عناوين الكتب هذه يحتاج أياماً في أقل تقدير.

(٢) ذائقتي في الكتب تغيرت كثيراً عبر السنين. هناك مواضيع ومؤلفات وكُتّاب أحببتهم في صغري. الآن، أرى أسماءهم فأبتعد. ليش هيك؟

(٣) هل حقاً أنا بحاجة لقراءة كل هذه الكتب؟ هل أنا بحاجة للقراءة أصلاً؟ 

(٤) كطفلة، اشتريتُ كتابي الأول "قصص الخلفاء الراشدين للأطفال" من معرض كتاب في زيارة مع المدرسة. أحببتُ معارض الكتب في صغري أكثر!

(٥) في صغري أحببتُ الكتب العربية أكثر من الإنجليزية. كلما كبرت كلما جذبتني الكتب الإنجليزية أكثر. لم أعد أصادف مواضيعاً جاذبة بجدية بالعربية بنفس تلك المتواجدة بالإنجليزية. ذهبتُ إلى المعرض بالتحديد حتى أُجدّد علاقتي بالمؤلّفات العربية.

(٦) أنا تعجبني الكتب الأنيقة. النظيفة. أحب الطبعات البرّاقة. لا أحب الكتب المستعملة. قد أحب المُعتّقة، فتلك لها رونقٌ جاذب. لكني لا أحب المهملة، المُهترئة، وكأنّ أحداً سكب عليها الشراب!

(٧) بكل التعميم الذي على وجه الأرض: دور النشر اللبنانية يعني سلامة اللغة، الجمال، الورق الثقيل، الرائحة المميزة. دور النشر المصرية يعني كل مواضيع الدنيا، الورق المصفر في الغالب، رائحة مختلفة، حرف الياء يُكتب بدون تنقيط (يعنى). لكل واحدة رونق وأصالة وجمال مختلف.

(٨) كيف يعني "الأعمال الكاملة لنزار قباني" ٤٠٠ صفحة؟ وفي طبعة أخرى ٣٠٠؟ من أصدّق؟ الكاملة؟

(٩) مولانا جلال الدين رومي صاير موضة. بس أنا بحبه من زمان، والله.

(١٠) يكفي أن تضع شيئاً من الأندلس في عنوان كتابك حتى تلتقطني! اشتريتُ رواية اسمها "ربيع قرطبة" فقط لأنّ فيها "قرطبة" -- وأنا لا أنخدع بالعناوين. كيف نُشفى من حبِّ الأندلس؟ (وبالمناسبة، شو صار بسلسلة مسلسلات الأندلس لحاتم علي ود. وليد سيف؟).

(١١) الأطفال المتقافزة في المعرض جميلة جميلة، كتب الأطفال جميلة وغريبة. بس، شو بالنسبة لموضة "قصص الأنبياء (المصوّرة) للأطفال"؟ و"قصص التنمية البشرية للأطفال"؟ 🤔

(١٢) سعدتُ لسببٍ ما بمشاركة دور نشر من سوريا! كتبهم عن قواعد اللغة العربية وتدريسها ذكّرتني كم أحب سلامة اللغة العربية عند السوريين! (تعميم، تعميم).

(١٣) أردتُ أن أشتري كتباً خفيفة. خرجتُ بمجموعةٍ من كتب الأدب الساخر (شكراً لدور النشر المصرية)، روايتين من الأندلس، شعر، وقصص لرضوى عاشور. فقط هكذا.

(١٤) بس برضه لمّا روّحت على البيت ماما حكت: "وبعدين يا ديانا؟ وين رح تروحي في هدول كمان؟". وكان ردي المعتاد: "لازم أجيب خزانة جديدة من إيكيا"! 😂

Read more…

Dan Brown's Origin

[As seen here].

I definitely expected MUCH more. I finished more than 350 pages [out of 456] without being 'thrilled' about anything. It somehow felt 'predictive' [and I cannot imagine using this word for a Dan Brown book]. I was expecting riddles, symbols, codes, things to decipher: N.O.N.E., ZERO. which, I have to say, disappointed me.

From start to end, I did not open my mouth in disbelief even once, which is quite sad for a Dan Brown book.

-- Disclaimer: I am quite familiar with the ideas and 'findings' presented in the book thanks to my background in Computer Engineering. This could explain why I wasn't surprised or 'thrilled' much. Dan Brown used these principles in a 'clever/twisted' way though, I give him this.

BUT, I still love you, Dan Brown! I always will.

Read more…

Monday, 9 October 2017

أكيد فيه إشي غلط؟ بِشِكلي يمكن

* التالي هو رواية قصة. اقتضى التنويه :) *

-- تعلمتُ اليوم أنّ وضع علامات اقتباس غير كافي عند كتابة النصوص. 😂😂😂

-------

"صرت أحُط مكياج، وأهتم بشكلي، مشان أبيّن حلوة بعيونهم. ممكن أنا جد فيي إشي غلط؟".

-------

"زمان كان بابا بفضّل نُكتب الكتاب أول إشي. بس بعد ما أختي الكبيرة كتبت كتابها وما صار نصيب فتطلّقت، أبوي بطّل يفضّل نكتب كتاب. زعل من اللي صار مع أختي، وتعلّمنا الدرس.

هلأ بس يجي عريس لواحدة فينا، ممكن نقعد معه أكتر من مرة، ولو صار توافق مبدئي، بنقرأ فاتحة وبيعطينا بابا ٣ أشهر نقرر فيها. بعد الـ٣ أشهر (أو قبلها) يا بنكتب كتاب لو مشيت الأمور، يا بنترك لو ما مشي الحال.

أنا لما يجيني عريس بيجي مع أهله، لإنه "تقليدي" بتعرفي. بس أنا بطلب نقعد لحالنا بالغرفة التانية قبال أهلي واللي جايين معه. الموضوع ببين من ٣ قعدات: أول قعدة بتكون كتير رسمية، وعلى الأغلب مواضيع عامة، ومع الأهل. ممكن نقعد لحالنا وممكن لأ.

القعدة التانية، طبعاً لو رجعوا اتصلوا، بنقعد لحالنا. بسأل أسئلتي وبيسأل أسئلته، وبنشوف إذا ارتحنا لبعض وممكن تمشي الأمور.

لو تمام، بتصفّي القعدة التالتة تأكيد وكمان أسئلة ووقت مع بعض مشان نتأكد إنا جاهزين نعمل خطوة جدية. يعني نقرأ الفاتحة ونبدأ فترة الـ٣ أشهر اللي ممكن بعدها نكتب الكتاب أو يتيسر كل حدا لحاله.

-- بس بتعرفي شو اللي قاهرني؟ إنهم ما بيرجعوا يجوا.

بيتصلوا أول مرة وبيجوا. ببيّن كل إشي تمام. الضيافة بتكون مرتبة والقعدة لطيفة وبطلع قدّاهم مرتبة وبكون حاسة ماشي الحال.

بس ما عم بيرجعوا يتصلوا ليجوا كمان مرة، أو يحكوا أي إشي.

-- بالمرة.

المشكلة أوقات والله ما بكون الشب عليه القيمة، ومش فارق معي، يعني ما كنت رح أقبله. بس تصوري ومع هيك أساساً أهله ما بيرجعوا يحكوا!

مش قاهرني غير هداك اللي إجى هديك المرة؛ عمره فوق الـ٤٠ سنة، وكرشه قدامه، كتير أكبر مني، وجاي مع إمّه، وبالمرة ما فيه إشي بميزه أو بخليني أقبل فيه. تصوري ما رجعوا اتصلوا؟ يعني رضينا بالهم والهم ما رضي فينا!

-- نفسي أفهم وين الغلط!

أنا اللي مزعّلني بابا. يعني أنا إخواتي اللي أصغر مني تزوجوا، وما ضل غيري، وأبوي مضغوط من الموضوع. هو وإمي بيزعلوا لما الناس ما يرجعوا يتصلوا. بالأول كان دائماً يطلع يقابل الناس، هلأ خلص صار يختصر وما يطلع لإنه حاسس مش عم تزبط، والموضوع مؤثر على نفسيته كتير.

صرت أفكر أكيد الغلط فيي. أنا صحيح جامعية وعندي وظيفة وراتب وسيارة ومصاري وفهمانة وحنونة من جُوّة، ولطيفة وبحب الناس؛ بس شكله ما حدا قادر يميّز أو يقدّر.

-- أكيد فيه إشي غلط، بِشِكلي يمكن؟

والله، صرت أهتم بلبسي، وأحُط مكياج وأترتب. عم بحاول كمان أبيّن إني قريبة من الناس وأحكي معهم. ما بتعرفي مين ممكن يدل على مين. بلكي مشيت الأمور. لإني بصراحة حاسة فيه غلط، وكتير الموضوع قاهرني.. بس يا رب الله يجيب اللي فيه الخير ويكتب لي إشي منيح..".

Read more…